Shpallet 1 vend vakant, Punëtor Mirëmbajtjeje në Sektorin e Shërbimeve të Përgjithshme

Në mbështetje të ligjit nr. 7961, datë 12.07.1995, “Kodi i Punës në RSH”, të ndryshuar; të nenit 19, të ligjit nr. 44/2015, “Kodi i Procedurave Administrative i RSH”; të ligjit nr. 90/2012 “Për organizimin dhe funksionimin e administratës shtetërore”; të Rregullores së Brendshme, të miratuar me urdhrin nr. 42, datë 05.04.2023, të Ministrit të Brendshëm, “Për miratimin e Rregullores së Brendshme për organizimin dhe funksionimin e Ministrisë së Brendshme”; të urdhrit të Sekretarit të Përgjithshëm nr. 6839, datë 14.06.2023, “Për miratimin e udhëzuesit për përcaktimin e rregullave, kritereve dhe procedurave për shpalljen e pozicioneve me kod pune në Aparatin e Ministrisë së Brendshme”, Ministria e Brendshme shpall 1 vend vakant Punëtor Mirëmbajtjeje në Sektorin e Shërbimeve të Përgjithshme, në Drejtorinë e Shërbimeve Mbështetëse, në Drejtorinë e Përgjithshme Ekonomike dhe të Shërbimeve Mbështetëse, në Ministrinë e Brendshme.

Përshkrimi përgjithësues i punës për pozicionin

• Të njohë rregullat e sigurimit teknik gjatë punës dhe mbrojtjen kundra zjarrit në vendin e tij të punës;
• Të planifikojë kërkesat për materiale për riparimin dhe mirëmbajtjen e objekteve dhe ambjenteve të dëmtuara;
• Të qëndrojë në gatishmëri të plotë për të ndërhyrë për mbajtjen në funksionim të plotë të paisjeve/mjeteve të punës;
• Të bëjë lëvizje e transporte të ndryshme të paisjeve, inventarit, materialeve orendive të zyrave, furniturave etj, sipas nevojave të sektorit, magazinës etj;
• Të kryejë detyra të tjera që i ngarkohen nga eprorët.

Kriteret që duhet të plotësojnë aplikantët për këtë pozicion

Kritere të përgjithshme:

• Të jetë shtetas shqiptar;
• Të jetë ketë një figurë të pastër morale;
• Të mos jetë i/e dënuar me vendim të formës së prerë të gjykatës;
• Të mos jetë përjashtuar/shkarkuar nga administrata publike.

Kritere të posaçme:

• Të plotësojë kërkesat për nivelin e arsimit, përvojës dhe kërkesat e tjera për pozicionin përkatës;
• Arsimi – Të ketë mbaruar arsimin e mesëm;
• Përvoja – Nuk kërkohet përvojë. Të ketë eksperiencë të mëparshme në këtë profil/profesion, përbën avantazh;
• Fusha e njohurive, aftësitë dhe cilësitë mbi të cilat do të zhvillohet intervista.

Kandidatët do të intervistohen në lidhje me:

• Njohuri të përgjithshme për Kodin e Punës për të drejtat e detyrimet e punëdhënësit e punëmarrësit;
• Njohuritë, aftësitë, kompetencën në lidhje me përshkrimin e vendit të punës;
• Përvojën e tyre të mëparshme.

Dokumentacioni, mënyra dhe afati i dorëzimit të aplikimeve:

Aplikantët duhet të dorëzojnë dokumentet si më poshtë:

• Kërkesë për punësim;
• Jetëshkrim;
• Fotokopje të dëftesës së shkollës së mesme;
• Fotokopje të librezës së punës (të gjitha faqet që vërtetojnë eksperiencën në punë);
• Fotokopje të letërnjoftimit (ID);
• Vetëdeklarim të gjendjes gjyqësore.

Mosdorëzimi i dokumenteve të mësipërme dhe mosplotësimi i kritereve, e skualifikojnë automatikisht aplikantin.

Aplikimi dhe dorëzimi i të gjitha dokumenteve të cituara mësipër, duhet të bëhet brenda datës 12.08.2024, në Ministrinë e Brendshme, në adresën: Blv. “Dëshmorët e Kombit”, Nd. 1, 1001 Tiranë.

Zhvillimi i intervistës me aplikantët e përzgjedhur nga komisioni “Ad-Hoc” do të kryhet brenda datës 23.08.2024, në Ministrinë e Brendshme.

Kandidati i kualifikuar për fazën e mëtejshme, atë të intervistës, është z. Skënder Nezha.
Intervista do të zhvillohet ditën e enjte, datë 22.08.2024, ora 10:00, në ambientet e Ministrië së Brendshme.